اسلام آباد(تحریر نیوز نیٹ ورک)میڈیا رپورٹ کے مطابق اقتصادی امور ڈویژن میں ہونے والے اجلاس میں شریک کویتی وفد کے سربراہ نے اجلاس ختم ہونے کے بعد اپنا بریف کیس چوری ہونے کا انکشاف کیا۔ جس پر اجلاس کے شرکاء پریشان ہوگئے اور واقعے کا سخت نوٹس لیتے ہوئے سیکرٹری اقتصادی امور ڈویژن غضنفر جیلانی نے موقع پر ہی تحقیقات کی ہدایت دیں۔
ذرائع کا کہنا ہے کہ سی سی ٹی وی فوٹیج کے ذریعے بریف کیس چرانے والے ای اے ڈی کے افسرکی نشاندہی کی گئی۔ ذرائع کے مطابق بریف کیس چرانے والے افسر کی شناخت جوائنٹ سیکریٹری اقتصادی امور ڈویژن ضرار حیدر کے طور پر ہوئی جس پر سیکریٹری ای اے ڈی غضنفر جیلانی نے سخت ایکشن لیا اور کویتی وفد کے سربراہ کا بریف کیس چرانے والے جوائنٹ سیکریٹری ضرار حیدر کے خلاف کاروائی کرتے ہوئے انہیں ایف آئی اے کے حوالے کردیا۔
جب کہ دوسری طرف دو ہفتہ پہلے گلگت بلتستان کے ضلع ہنزہ کے سیاحتی گاوں التت سے تعلق رکھنے والی 55 سالہ خاتون نمہ گل زوجہ دینارخان نامی غریب گھریلو عورت نے راستے میں ملنے والے 43 ہزار روپے پنجاب کے شہر لاہور سے تعلق رکھنے والے مالک حسان تک پہنچا کر گلگت بلتستان کے عوام کی ایمانداری کے حوالے سے مثال قائم کردی۔تفصیلات کے مطابق نمہ گل کا تعلق التت سلطان آباد ہے اور دو بچوں اور چھ بچیوں کی ماں ہے۔ اسی طرح گزشتہ دنوں سکردو سے تعلق رکھنے والے ایک پولیس کانسٹیبل دیوسائی سے 128000 مالیت کی موبائل ملا جسے اُنہوں نے سکردو تھانے میں جمع کرکے مالک تک پونچا دیا۔ گلگت بلتستان کے عوام میں غربت اور حکومتی عدم توجہی کے سبب بیروزگاری کے باوجود ایمانداری کی اس قسم کی مثالیں لائق تحسین ہیں۔
Gilgit-Baltistan’s first online premier news network
GilgitBaltistan
More Stories
1971 کی جنگ نے خطہ لداخ کی محبت سے کی ہوئی شادی شدہ جوڑے کو کس طرح جدا کردیا درد ناک کہانی
خطہ بلتستان لداخ بارڈر پر پاک بھارت کے فوجی ایک دوسرے سے سگریٹ ڈرائی فروٹ کا تبادلہ کرتے ہیں مگر بچھڑے ہوئے خاُندانوں کو ملنے کیلئے لداخ سکردو روڈ آخر کیوں نہیں کھول رہا؟
عوامی ایکشن کمیٹی دو گروپوں میں تقسیم کے بعد ایک گروپ نے غذر روڑ بند کرنے کا اعلان کردیا اور غذر کے عوام کا بڑا بیان سامنے اگیا