تازہ ترین

کھرمنگ میں نائب ناظم تعلیم کے خلاف تعلیم دشمن عناصر ایک بار پھر متحرک ہو گئے۔

کھرمنگ (قاسم قاسمی)کھرمنگ میں نائب ناظم تعلیم کے خلاف تعلیم دشمن عناصر ایک بار پھر متحرک ہو گئے۔نائب ناظم تعلیم ضلع کھرمنگ غلام محمد حیدری ایک قابل اور باصلاحیت آفسر ہے انکے خلاف تعلیم دشمن عناصر سازشیں کر رہے ہیں تاکہ انکو ہٹا کر اپنے من پسند آفسر کو تعین کر کے ضلع میں ایک بار پھر اقرباپروری اور قوم کے مستقبل کے ساتھ کھلواڑ شروع کریں ان باتوں کا اظہار پی ٹی آئی کھرمنگ کے رہنما ماسٹر محمد یوسف باغیچہ نے کیا انہوں نے مذید کہا کہ غلام محمد حیدری کو اس لئے ہٹانا چاہتے ہیں کیونکہ انہوں نے کھرمنگ میں مسلم لیگ ن کے من پسند فیصلے نہیں مانے اور محکمہ تعلیم میں بہتری لانے کی کوشش کی جو کہ ان کرپٹ مافیا کو منظور نہیں ہے۔انہوں نے کہا کہ پچھلے دنوں نائب ناظم تعلیم کی جانب سے ضلع سے باہر ڈیوٹی دینے والے اساتذہ کے خلاف کاروائی کرتے ہوئے تمام اساتذہ کو دوبارہ کھرمنگ میں ڈیوٹی دینے کے لئے پابند کیا جس میں وہ کافی حد تک کامیاب بھی ہوئے مگر کچھ سیاسی آشرباد والے اساتذہ کھرمنگ میں ڈیوٹی دینے کے بجائے نائب ناظم تعلیم کو ہی فارغ کرنے پر تُلے ہوئے ہیں جن میں سر فہرست مسلم لیگ ن کھرمنگ کے صدر سید محسن رضوی کے بیوی جو کہ عرصہ دراز سے ڈیوٹی نہیں دے رہی تھیں انکو پچھلے کئی ماہ قبل باقاعدہ وارننگ دے کر زبردستی کی بنیاد پر کھرمنگ میں ڈیوٹی دلوایا جبکہ مصوفہ صرف جوائننگ دے کر پھر رفو چکر ہو گئیں۔اس وقت مسلم لیگ ن کھرمنگ اپنے کچھ ہم خیال اساتذہ کے ٹرانسفر رکوانے کے غرض سے ڈپٹی ڈائریکٹر کو ہی راستے سے ہٹانا چاھتے ہیں اگر ایسا کیا تو مسلم لیگیوں کو سخت درعمل کا سامنا کرنا پڑے گا۔

  •  
  • 1
  •  
  •  
  •  
  •  
    1
    Share

About TNN-ISB

اپنی رائے کا اظہار کریں

آپ کا ای میل ایڈریس شائع نہیں کیا جائے گا.

*