تازہ ترین

عالمی برداری مقبوضہ کشمیر میں آبادی کا تناسب تبدیل کرنے کی کوشش کا نوٹس لے۔ دفتر خارجہ

اسلام آباد( ویب ڈیسک )آج اسلام آباد میں ہفتہ وار نیوز بریفنگ سے خطاب کرتے ہوئے دفتر خارجہ کے ترجمان ڈاکٹر محمد فیصل نے کہاکہ اس سال بھارت کی طرف سے جنگ بندی کی خلاف ورزیوں کے نتیجے میں کم سے کم تیس افراد شہید ہوئے۔اُنہوں نے کہا کہ پاکستان نے عالمی برداری کی توجہ بھارت کی جانب سے مقبوضہ کشمیر میں آبادی کا تناسب تبدیل کرنے کی کوشش کی جانب مبذول کرائی ہے جس کامقصد مستقبل میں کسی بھی قسم کی استصواب رائے کے نتائج کو تبدیل کرنا ہے۔آج اسلام آباد میں ہفتہ وار نیوز بریفنگ کے دوران دفتر خارجہ کے ترجمان ڈاکٹر محمد فیصل نے کہا ہے کہ بھارت کی بڑھتی ہوئی ریاستی دہشت گردی کے باوجود کشمیر ی عوام نے مقبوضہ وادی میں بھارت کی جانب سے آرٹیکل 35 اے کی منسوخی کی کوششوں کے خلاف مکمل ہڑتال کی جو کشمیریوں کی مستقل رہائشی حیثیت کو ختم کرنے کی ایک کوشش ہے۔انہوں نے کہا کہ بھارتی فوج نے اس سال کنٹرول لائن اور ورکنگ باونڈری پر ایک ہزارچار سوسے زائد جنگ بندی کی خلاف ورزی کی جس کے نتیجے میں تیس شہری شہید جبکہ 121 زخمی ہوئے۔

  •  
  •  
  •  
  •  
  •  
  •  

About admin

اپنی رائے کا اظہار کریں

آپ کا ای میل ایڈریس شائع نہیں کیا جائے گا.

*