تازہ ترین

تخت گلگت گرانے کے معاملے پر پیپلزپارٹی گلگت بلتستان دو حصوں میں تقسیم۔

اسلام آباد(پ،ر) پاکستان پیپلزپارٹی گلگت بلتستان کے صدرر امجد حسین ایڈووکیٹ نے کہاہے کہااگر کسی نے گلگت بلتستان میں مسلم لیگ نون کی حکومت کو گرانے کی کوشش کی گئی تو رکاوٹ ڈالیں گے۔ اُنکا کہنا تھا کہ ہم حکومت ختم کرکے وزیر اعلیٰ حفیظ الرحمن کو سیاسی شہید بننے نہیں دیں گے۔ اُنہوں نے مزید کہا کہ حفیظ الرحمن کی عیاشی کے تین سال گزر چکے ہیں اب ان کا امتحان شروع ہو گیا ہے اور وہ کرب میں مبتلا ہو گئے ہیں ہم مطالبہ کرتے ہیں کہ حکومت کو تحلیل کرنے کی بجائے حفیظ الرحمن اینڈ کمپنی کی کرپشن اور لوٹ مار کے خلاف بڑے پیمانے پر کارروائی کی جائے اور ان سے تین سال کا حساب لیا جائے ۔ دوسری طرف پاکستان پیپلزپارٹی کے اہم رہنما اور ممبر گلگت بلتستان قانون ساز اسمبلی جاوید حسین اپنی سے ہٹ کر وزیر اعلیٰ حفیظ الرحمن کے خلاف عدم اعتماد کیلئے پچھلے کئی ماہ سے کوششوں میں لگے ہوئے ہیں اور وفاق میں نون لیگ کا سورج غروب ہوتے ہی اُنہوں نے کہا ہے گلگت بلتستان حکومت کو تحیل کرنے کی صورت میں تعاون کی یقین دہانی کرائی ہے۔ اب دیکھنا یہ ہے کہ اس معاملے میں پاکستان پیپلزپارٹی کی اعلیٰ قیادت کیا فیصلہ کرتے ہیں ۔ دوسری طرف گزشتہ دنوں سابق وزیر اعلیٰ اور موجودہ وزیر اعلیٰ کے درمیان ہونے والے ملاقات میں پیپلزپارٹی کو عدم اعتماد کی تحریک سے دور رکھنے کا فیصلہ ہوا ہے جس کا اصل مقصد ایک دوسرے کے کرپشن پر بات نہیں کرنا بتایا جاتا ہے۔

  •  
  •  
  •  
  •  
  •  
  •  

About TNN-ISB

اپنی رائے کا اظہار کریں

آپ کا ای میل ایڈریس شائع نہیں کیا جائے گا.

*