تازہ ترین

کھرمنگ ضلعی انتظامیہ کی جانب سے بغیر معاوضہ کے لنک روڈ کی توسیع کیلئے عوام پر شدید دباو۔

کھرمنگ( قاسم قاسمی) کھرمنگ ضلعی انتظامیہ کی جانب سے منٹھوکھا اور مادھوپور ضلع کھرمنگ کے اطراف سے ندی کنارے قدیم لنک روڈ کو بغیر کسی معاوضے کے 6 فٹ مزید چوڑا کرنے کیلئے زبردستی کیا جارہا ہے۔ تفصیلات کے مطابق ضلعی انتظامیہ کی خواہش ہے کہ منٹھوکھا آبشار تک ندی کے دونوں طرف کے قدیم سڑک کواز سر نو تعمیر کیا جائے گا۔ کہا یہ جارہا ہے اس حوالے سے حسین زمبہ جو پہلے ہی کرپشن کا شکار ہوکر اب آثار بھی ختم ہوچُکے ہیں ،کو دوبارہ تعمیر کیا جائے گا اور اطراف کے قدیم سڑک کو جو گزشتہ دہائیوں سے خراب پڑی ہے کو مزید کشادہ کیا جائے گا جس کیلئے علاقے کے ایک بااثر شخص کی طرف سے سیاسی سفارش کی گئی ہے۔ اس سڑک کی توسیعکیلئے عوامی املاک عوامی املاک استعمال ہونگے لیکن خالصہ سرکار کے کھاتے میں کوئی معاوضہ نہیں دیا جائے گا۔ اہل علاقہ میں اس حوالے سے شدید تشویش پایا جاتا ہے ۔ عوامی حلقوں کا کہنا ہے کہ نالے کی طرف نہ ہی کوئی گنجان آبادی ہے نہ ہی اوپر نالے میں کوئی تجارتی مرکز ہے اور نہ ہی اس نالے میں کوئی فوجی اڈہ وغیرہ ہے لہذا اس لنک روڈ کی توسیع کا مطلب انفرادی فائدے کیلئے عوامی املاک کے نقصان پونچانا ہے جسے کسی بھی صورت قبول نہیں کیا جائے گا۔اہل علاقہ کا کہنا ہے کہ آبشار تک جانے کیلئے موجودہ سڑک کو کرپشن سے پاک کرکے تعمیر کریں تو سڑک وسیع ہے مگر اس لنک روڈ کی تعمیر کے نام پر پہلے بھی کئی بار لوگ سرکاری خزانے کو چونا لگا چُکے ہیں اب مزید بغیر کسی معاوضے کے 6 فٹ چوڑا کس مقصد کیلئے کیا جارہا سمجھ سے باہر ہے۔ اس سلسلے میں اہلیان ژھوق مادھوپور نے باقاعدہ احتجاج ریکارڈ کرایا ہے دوسری طرف منٹھوکھا اور گوہری کے زمین مالکان کی جانب بھی اس قسم کے عوام دشمن اقدام اُٹھانے کی صورت میں احتجاج کا فیصلہ کیا ہے۔ عمائدین علاقہ کا ہمارے نمائندے سے خصوصی بات چیت کرتے ہوئے کہنا تھا کہ اس لنک روڈ کو ٹھیک کرنے کے بجائے توسیع کا مطلب کرپشن کا ایک نیا باب ہے جس سے عوام کو خسارا اور حکومت کے منظور نظر ٹھیکدار کو خوب فائدہ اور سرکاری خزانے کا بھی چونا لگانا ہے۔اُنہوں نے ضلعی انتظامیہ کو خبردار کیا ہے کہ بغیر معاوضے عوامی املاک ہتھیانے کا سلسلہ بند ہونا چاہئے ورنہ عوامی ایکشن کمیٹی کے پلیٹ فارم سے احتجاج کی کال دی جائے گی۔

  •  
  • 79
  •  
  •  
  •  
  •  
    79
    Shares

About TNN-ISB

اپنی رائے کا اظہار کریں

آپ کا ای میل ایڈریس شائع نہیں کیا جائے گا.

*